Sinong magpapahalaga sa buhay ng mga katutubong tulad ko? Isa ang Ezer Foundation, Inc. sa nagbibigay liwanag sa aming bukas. Libreng pag-aaral sa aming kabataan, kabuhayan sa aming katutubo, libreng gatas, gamot at iba pang pangkalusugan, facilidad sa aming komunidad… Ito'y iilan lamang sa biyayang akyat sa amin ng Ezer. Maraming-maraming salamat po.
Sabi nga sa patalastas, mahal ang magkasakit. Subalit po sa hirap ng buhay, sapat na sa aming pamilya ang kumain tatlong beses araw-araw. Salamat po sa Ezer Foundation, handog na gatas, ako'y lumalakas. Yamang kalusugan, kami'y hinandugan.
Maraming-maraming salamat po sa Ezer Foundation, Inc. sa napakalaking tulong sa aming pamilya. Binibigyan kami ng libreng gamot, murang bigas, at sya rin ang aming dagliang sandalan sa oras ng pangangailangan.
Salamat sa Ezer Foundation sa tulad naming nasa tribo na walang kakayahang magpaaral sa mga anak, nagiging possible ang di inaakala. 3 taon nang libre sa pag-aaral ang panganay kong anak at papasok na rin ang iba ko pang mga anak ngayong pasukan.
Di po sapat ang kita ng asawa kong tricycle driver para matustusan ang mga pangangailangan ng aking pamilya. Salamat po sa Ezer Foundation, mas magaan ang paghain sa aming hapag-kainan.
Nagpapasalamat ako ng malaki sa Ezer Foundation, Inc. sa pagiging katuwang namin ng asawa kong tricycle driver sa pagtaguyod ng aming pamilya. Sa laki ng pamilya namin, hirap sana kami kahit sa pagkain. Sa Ezer Foundation, aming pagkain ay sapat.
